लौ सुन म भन्छु
Lau suna ma bhanchu
Lyrics
( लौ सुन!
म भन्छु, मेरो रामकहानी ) x 2
त्यो एकदिनको घाम,
सयौँ दिनको पानी
लौ सुन!
म भन्छु, मेरो रामकहानी
म उठ्दा आकाशले,
मलाई थिचिदिन्छ
अघि बढ्दा धर्ती,
मलाई खाल्डो खन्छ
म रोएँ यी आँसु,
रित्याउऊँ भनेर
तर आँसुले नै,
मलाई नै बगाउछ
यो बिधुवाको सिउँदो,
कि मेरो जवानी ?
त्यो एकदिनको घाम,
सयौँ दिनको पानी
लौ सुन!
म भन्छु, मेरो रामकहानी
तेरो आश्वासनमा,
मैले बाँची हेरेँ
मैले आगोमाथि,
पनि नाची हेरेँ
जीवनलाई चारै
तिरबाट हेरेँ
केवल म पुरानो ,
सबै नौलो पाएँ
यही गीत साँचेँ,
पछिलाई निसानी
त्यो एकदिनको घाम,
सयौँ दिनको पानी
लौ सुन!
म भन्छु, मेरो रामकहानी.....